AU UTUNGA AERE: TOOU AU TIKA'ANGA E TAAU KIA RAVE

AU UTUNGA AERE: TOOU AU TIKA'ANGA E TAAU KIA RAVE

Me ka inangaro akamarama akaou atu koe me kare ra, ka inangaro tauturu, e aravei atu koe i te tu'anga Koi'anga Tutaki Utunga (Fines Collection) i tetai ua atu Are Akava'anga Oire (District Court) Ka rekareka te au opita aere o reira i te tauturu iakoe.

1. Tutaki aere'anga i te utunga e kia rauka roa te tuatau i te tutaki'anga

E tutaki atu koe i te katoatoa'anga o te moni i te ra i akataka ia i runga i taau Peapa Akakite'anga Utunga (Notice of Fine). Me ka inangaro kia akaroa ia atu toou tuatau no te tutaki'anga, e pati atu koe ki tetai ua atu Are Akava'anga Oire i rotopu i te 28 ra, mei te ra mai i akautunga ia ei koe. Ka pou tereira 28 ra a te ra openga i akataka ia noou i te tutaki atu ( te ra kia tutaki koe) i akaari ia atu i runga i te peapa akakite'anga utunga. Me kua oronga ia atu tetai tuatau akaou atu noou no te tutaki i taau utunga, e kua topa iakoe tetai tutaki'anga, ka akairi atu te akava'anga i tetai utunga takake na runga ake i te utunga taito no tei kore koe i aru i te tu o te tutaki'anga i akamou iai akamou ia, e ka tiati akaou ia atu rai oki pa'a tetai tutaki'anga ke na runga ake i taau utunga.

2. E a'a te ka tupu me kare koe e tutaki?

Me kare koe e tutaki i roto i te 28 ra mei te akautunga ia anga mai koe, e kare katoa oki koe i akatika ia ana e kia akatere ia atu toou tuatau no te tutaki'anga e te Akava'anga, ka tiati ia atu na runga ake i taau utunga tetai $100.00 no tei kore koe i ariki i te tuatau tutaki'anga i oronga ia atu noou. Ka akairi atu te Akava'anga i tetai utunga takake, no tei kore koe i tutaki i te tuatau i akataka ia, mei teia te tu:

• Rave atu'anga i tetai apinga naau tikai (mei te motoka, T.V., au apinga ngutuare mei te noo'anga, te topa, te kaparata, te kaingakai e te vai atura) mate oko atu i tereira.
• I te pakati atu i te uira o toou motoka kia kore rave tereira e tere.
• I te akaue atu'anga i taau ngai angaangame kare ara te Minitiri o te Akameitaki ora'anga (Ministry of Social Development) e kia kiriti atu mei roto mai i te moni e kaiou nei koe mei roto mai i taau moni angaanga me kare ra, i taau penepiti.
• I te tuku atu i tetai vorani no te tapeka atu iakoe.

Penei e ka apaina ia atu koe ki mua i te tiati e ka tuku atu pa'a aia i tetai utunga mei te angaanga aere atu'anga ki roto i te oire, me kare ra, i tetai au akaapa'anga e utunga are auri.

KA RAUKA I TE AKAVA'ANGA I TE RAVE ATU I TETAI AU AKATERE'ANGA KE ATU, KARE I AKAARI IA ATU I KONEI NO TE KOI UTUNGA ANGA ATU.

3. Ka rauka ainei iaku i te aparai atu i tetai patoi'anga naku, i tetai akava'anga naku kia rave ia, me kare ra, kia rave akaou ia tetai akava'anga noku?

Ka rauka ia koe tuku atu i tetai patoi'anga no runga i toou akaapa'anga, me kare ra, i taau utunga, me kare ra, i tetai ua atu akaue'anga/ota'anga i maani ia noou. Me kua inangaro koe i te tuku atu i tetai patoi'anga, ka umuumu ia koe e kia tuku atu i taau pati'anga mate akamarama atu e, ea'a koe i kore ei i ariki i te tika'anga i oti noou. Ka umuumu ia e kia tuku atu koe i teia pati'anga ki roto i te Are Akava'anga noreira te tika'anga i te ngai i akatika ia ei i roto i te 28 ra mei te ra mai i akautunga ia ei koe. E pati atu i te peapa (form) no tereira i tetai ua atu Are Akava'anga.

Ka rauka iakoe i te pati atu e kia rave ia tetai akava'anga noou, me kare ra, kia rave akaou ia tetai akava'anga noou me kua irinaki koe e kare i tano toou utunga, e kare katoa oki i tano te tu o te akakite atu'anga i te utunga kiakoe. Ka rauka iakoe i te pati atu ki te Tiati o te Are Akava'anga Oire kia akara akaou atu i tetai ua atu ota'anga/akaue'anga, me kare ra, tika'anga i tukuna ia e te Retita no runga i te akairi'anga utunga ke atu na runga ake i taau ka tutaki.

4. Akaue'anga auraka kia akaoro akaou e te rave ia atu'anga te raitini.

Me kua akaue te Akava'anga e auraka koe kia mou, me kare ra, kia tu i te raitini akaoro, e oronga atu koe i tereira tuatau rai i taau raitini. Ka tau koe kia:

1. pouti atu i tereira ki te Land Transport Safety Authority, PO Box 14-349, Wellington, ME KARE

RA,

2. oronga atu i tereira ki tetai ua atu opati o te Land Transport Safety Authority, me kare ra, ki tetai ua atu opati o te Akava'anga, ME KARE RA

3. e oronga atu i tereira ki tetai ua atu akava.

Tata ia e te Tipatimani no te Are Akava'anga aere o Nu Tireni nei.