NGĀ WHAINAI: TŌ WHAI MANATANGA ME NGĀ MEA HEI TINO MAHITANGA MĀHAU

Mehemea kei te hiahia koe ki ētahi atu pārongo, kei te hiahia āwhina rānei koe, whakapā atu ki te wahanga Fines Collection o te Kō-ā-rohe. Mā ngā kaimahi o reira koe e āwhina.

1. Te utu whaina me te whakaroa atu i te wā hei utunga

Me tino rite i a koe te utu te katoa o te whaina i te rā e whakaatu ana i runga i to Pānui Whaina. Mehemea e hiahia ana koe kia whakaroatia atu te wā hei utunga māhau, me tono koe i tētahi Kō-ā-rohe i roto i te 28 rā mai i te rā i whainatia ai koe. Ka mutu te 28 rā i te rā whakamutunga hei utunga (te rā i whakaritea) e whakaatu ana i runga i to pānui. Ki te whakaheia to tono kia whakaroatia atu te wā hei utunga māhau i to whaina, ā, ka hapa i a koe tētahi utunga, ka tauaro koe ki te whakahau uruhitanga, ā, tērā pea ka tāpiritia tētahi atu utu ki to whaina.

2. He aha ka tūpono mehemea kaore koe e utu?

Mehemea kaore koe e utu i roto i te 28 rā, ā, kaore i whakaaetia e te Kō to tono kia whakaroatia atu te wā hei utunga māhau, ka tāpiritia he utu uruhitanga he $100 ki to whaina.

Ka whakahaeretia e te Kō he whakahau uruhitanga, tērā pea ka whakauru:

• Te herepūtanga (tangohanga) o tētahi mea o āhau (hei tauira: motokā, T.V. taonga ā whare), ā, ka hokona atu.
• Te whakamautanga he kuku wīra ki to motokā kia kore ai e neke
• Te hiahiatanga kia tangohia mai e to kaitukumahi, e te Manatū Whakahiato Ora rānei, te moni kei te nama koe, i to utu, i to penihana rānei.
• Te tuku he whakahau ki ngā Pirihimana kia hopukina koe

Tērā pea ka mauria koe ki te aroaro o te Kaiwhakawā, ā, tērā pea ka whakaritea e ia ko te whiu mō ko te mahi hapori, ā, i ētahi wā, ko te maunga herehere rānei.

KA TAEA E TE KŌTI TE WHAKAHAERE ĒTAHI ATU WHAKAHAU KAORE I RĀRANGITIA I

KONEI

3. Ka taea anō e au te tono pīra, tono whakawātanga, tono whakawātanga anō rānei?

Ka taea e koe te pīra ki to whakaharatanga, ki to whiu, ki ētahi whakahau rānei i whakamahia ki a koe. Ki te pīrangi koe ki te pīra, me tino whakauru koe he tono e whakamārama ana i te take i kore ai koe e whakaae ki te whakatau ki a koe. Me tino whakauru koe i tēnei tono i te Kō i whakahaeretia tēnei whakatau i roto i te 28 rā mai i te rā i whainatia ai koe. Pātai atu mo tētahi pepa whakakī i tētahi Kō.

Ka taea e koe te pātai mō tētahi whakawā, whakawā anō rānei mehemea kaore i tika te whāinga i ngā tikanga mō te whainatanga i a koe, te whakamō rānei i a koe mō te whaina. Ka taea e koe te tono ki te Kaiwhakawā Kō-ā-rohe kia tirohia houtia ētahi whakahau, whakatau rānei i whakaritea e te Kairēhita e pā ana ki te uruhitanga o tētahi whaina.

4. Te whakatupenga me te whakatukunga i te raihana

Mehemea kua whakatupea koe e te Kō ki te pupuri, ki te tiki rānei i tētahi raihana taraiwa, me wawe tonu to tuku i to raihana. Ka taea e koe te:

1. ono ki te Land Transport Safety Authority, PO Box 14-349, Wellington

2. hoatu rānei ki te Land Transport Safety Authority, tari Kōti rānei

3. hoatu rānei ki tētahi mema o ngā Pirihimana

He tukunga na te Tari Kooti, Aotearoa