MO'UA KE TOTONGI: HO'O TOTONU MO E ME'A KE KE FAI

Kapau 'oku ke toe fie 'ilo ki ha me'a, pe fiema'u tokoni, kātaki 'o fetu'utaki ki he feitu'u totongi mo'ua (Fines Collection) 'o e fakamaau'anga District Court. 'E fiefia ke tokoni atu 'a e kau ngāue 'i ai.

1. Totongi moua mo e fakalahi 'o e taimi totongi

Kuo pau ke totongi ke 'osi 'a e mo'ua ki he 'aho 'oku tu'u 'i he tohi fakatokanga mo'ua (Notice of Fine). Kapau 'oku ke fiema'u ke fakalahi 'a e taimi totongi, kuo pau ke ke 'apalai 'i ha fakamaau'anga District Court te'eki 'osi ha 'aho 'e 28 mei he 'aho na'e fakamo'ua ai koe. Ko e 'aho 'e 28, 'oku 'osi ia 'i he 'aho faka'osi ke fai ai 'a e totongi ('aho totongi), 'a ē 'oku 'asi 'i he tohi fakatokanga. Kapau 'oku toe tuku atu ha taimi ke fai ai ho'o totongi, pea ke li'aki ha fo'i totongi 'e taha, 'e fai leva ha ngāue ke fakamālohi'i koe ke ke totongi ho mo'ua, pea 'e lava pe ke fakalahi ho mo'ua.

2. Ko e hā e me'a 'e hoko kapau he 'ikai te ke totongi?

Kapau he 'ikai te ke totongi ho mo'ua te'eki 'osi ha 'aho 'e 28 mei he 'aho na'e fakamo'ua ai koe, pea kuo te'eki tuku atu hao toe taimi 'e ha Fakamaau'anga, ke totongi ai ho mo'ua, 'e tānaki atu ha $100 ki ho mo'ua ke fakamālohi'i koe ke totongi ho mo'ua. 'E lava ke ngāue'aki 'e he Fakamaau'ange ha taha 'o e ngaahi founga ni ke huhu'i 'aki ho mo'ua.

• 'ave ha'o koloa 'o fakatau atu (eg T.V., naunau fale)

• fakama'u ha va'e 'a ho'o me'alele koe'uhi kae 'ikai lava ke ke toe ue'i

• to'o 'e he fa'ahinga 'oku ke ngāue ki ai pe ko e uelefea 'a ho'o mo'ua pa'anga mei ho'o vahe pe penefiti

• fekau ki he kau Pölisi ke nau puke fakamālohi koe

Lava ke tautea koe 'e ha Fakamaau ke ke ngāue 'i he komiuniti, pe 'i he taimi 'e taha, ke fakahū koe 'i pilisone.

'OKU MAFAI 'A E FAKAMAAU'ANGA KE NAU NGÄUE'AKI HA TOE FOUNGA KEHE KE TĀNAKI 'A E MO'UA

3. 'E lava nai ke u fakafepaki'i pe fakaanga'i 'a hono fakamo'ua'i au, pe ke fakamaau'i pe toe fakamaau'i au?

'Oku 'atā ke ke tangi koe'uhi ko hono fakamo'ua pe tautea'i koe. Kapau 'oku ke fie tangi, kuo pau ke fai ha'o tohi kole, 'o fakamatala'i ai 'a e 'uhinga 'a ho'o ta'eloto mo e tu'utu'uni kia koe. Ko e tohi kole ko 'eni, kuo pau ke fakahū ia 'i he Fakamaau'anga na'a nau fai 'a e tu'utu'uni fekau'aki mo koe, te'eki 'osi ha 'aho 'e 28 mei he 'aho na'e fakamo'ua ai koe. Kole'i ha foomu ke ke fakafonu 'i ha Fakamaau'anga pe.

'Oku lava ke ke kole ke fakamaau'i pe toe fakamaau'i ho'o keisi, kapau na'e 'ikai ke fai ha muimui pau ki he ngaahi tu'utu'uni, fekau'aki mo hono fakamo'ua koe, pea mo hono 'oatu 'a e fakatokanga 'oku ke mo'ua. 'Oku lava ke ke kole ki ha Fakamaau 'i ha Fakamaau'anga (District Court), ke ne toe vakai'i ha tu'utu'uni na'e fai 'e ha Failesisita fekau'aki mo hono fekau ke ke totongi ha mo'ua.

4. To'o 'a e laiseni pea mo e fakafoki 'a e laiseni

Kapau kuo hanga 'e ha Fakamaau'anga 'o to'o ho'o laiseni faka'uli, pe ta'ofi koe ke toe ma'u ha'o laiseni faka'uli, kuo pau leva ke ke fakafoki ho'o laiseni he taimi pe ko ia. 'Oku lava ke ke:

1. li he meili ki he Land Transport Safety Authority, PO Box 14-349, Wellington, PE

2. 'ave ki ha va'a pe 'o e Land Transport Safety Authority, pe 'ofisi 'o ha Fakamaau'anga, PE

3. 'oange ki ha tokotaha ko e Pölisi

Tufaki 'e he Potungāue 'o e Fakamaau'anga, Nu'u Sila