Te Ture Ūkui Whakaharanga 2004

English		English PDF (121KB)	See Also:
Maori		Maori PDF (181KB)	Obtaining a Copy of your Criminal Record,
Cook Island Maori		Cook Island Maori PDF (174KB)
Samoan		Samoan PDF (176KB)
Tongan		Tongan PDF (194KB)
Niuean		Niuean PDF (178KB)

You will need Acrobat Reader to view PDF files. It can be be downloaded for free from the Adobe Website. Adobe also have an online conversion service, to convert PDF documents to HTML for viewing as a web page

He aha tōna pānga ki ahau?

He aha te tikanga o tēnei ture?

Mā te 'ture ūkui' e whakataha ō mahi hē o mua mā te hoatu tika ki a koe - i ngā wā e tika ana - ki te pupuri atu i ngā kōrero e pā ana ki āu mahi taihara E tuwhera ai tēnei huarahi ki a koe me tutuki i a koe ētahi paearu e pā ana ki āu taiharatanga Hāunga tērā ehara ngā whakawākanga o te kōti taiohi ngā hapanga iti ngā taiharatanga i tāwāhi i te taihara i raro i te kaupapa nei nā reira e kore rātou e whai wāhi ki ngā tātaritanga i te wā ka whakaarotia tāu tono ture ūkui.

Ā te 29 Whiringa-ā-rangi 2004 mana ai te Ture ūkui Taihara 2004.

He aha ngā paearu hei tutuki māku?

Me tutuki i a koe ngā paearu o tekiona 7 o te Ture (kei raro iho nei te whakarāpopotonga) i mua i te kaiponu i ngā kōrero mō āu taiharatanga Me pānui i te Ture kia mārama ai ki ngā kōrero katoa.

Ko ngā paearu:

• kua noho taihara kore koe mō ngā tau e 7 kua taha;

• kāore koe i mau i te herehere, hei tauira te whare herehere te ngahi whakatikatika, te kura hanga hou mō te hunga taiohi (borstal);

• kāore koe i whakahaua e te Kōti whai muri i tētahi kēhi kia puritia koe ki tētahi hōhipera nā te mate o tō hinengaro hei whakakapi mō te mauherehere;

• kāore koe i whakaharaina mō ētahi taihara kua tohua' (hei tauira te tūkino tamariki taiohi te hunga mate wairangi rānei);

• kua utua e koe ngā whaina ngā paremata utu rānei kua whakahaua e te Kōti i roto i tētahi whakawākanga;

• kāore i tangohia tāu raihana motukā i raro i te tekiona 65 o te Ture Marutau Waka Whenua o Aotearoa 1998 i tētahi atu whakaritenga tōmua ake.

Ka pēhea ahau mōhio ai mēnā ka tutuki e au ngā paearu?

Ka heipū noa ngā whakaritenga o te Ture hou, nā reira kāore he tikanga kia tono te tangata mō te ūkui i ōna whakaharanga.

Ina mana te ture ka āhei koe te tono mo āu rekoata taihara mai i te Āpiha Matatapu kei te Tāhū o te Ture kia kite mehemea ka tutuki i a koe ngā paearu. Mēnā e āhei ana koe kia kuhu ki te kaupapa nei, ka noho matatapu āu whakaharanga. Mēnā kei te mau tonu āu whakaharanga ki tō rekoata taihara kāore i tutuki i a koe ngā paearu.

Ka taea e koe te tono mō ngā pārongo mō te pātai mō tō rekoata taihara me tētahi puka tono mai i:

(a) te pae tukutuku a te Tāhū o te Ture - www justice govt nz

(b) te kōti kei tōu rohe

(c) tuhia mai rānei ki:

Te Āpiha Matatapu
Te Tāhū o te Ture
Tari ā-Motu
Pouaka Poutāpeta 2750
Te Whanga-nui-a-Tara

E rua ngā momo wā ka āhei te tangata kāore i te āhei i raro i ngā paearu kia tono ki te Kōti kia kaua e arongia tana whakaharanga mō ngā whakaharanga: mō tētahi hara kua tangohia te taiharatanga mō tētahi whiu i tua atu i te mauherehere mō tētahi 'taihara ka tohua'. Me rapu koe i ētahi āwhina mēnā e tika ana tō tono i raro i ēnei āhuatanga.

Ka pēhea ki te whakahara anō ahau ā muri i taku whiwhi i te ūkui whakaharanga?

Mā te whakatutuki i ngā paearu ka noho tonu ki a koe te 'ūkui whakaharanga'; ki te takahia e koe aua paearu, ka tangohia te 'ūkui whakaharanga' i a koe kia tutuki anō i a koe aua paearu.

He wā anō ka whākina āku whakaharanga?

He wā anō ka whākina āu whakaharanga (tirohia a Tekiona 19).  Etahi tauira:

• ki te tono koe mō ētahi tūmomo mahi (hei tauira, hei Pirihimana, tautiaki mauhere, āpiha poropeihana, āpiha tautiaki ā motu, kaiwhakawā JP hoki), me ngā tūranga mō te atawhai me te tiaki tamariki (hei tauira matua whāngai)

• ētahi atu rangahautanga a ngā pirihimana mō ngā whakaharanga tērā ka tū

• ngā whakawākanga i mua i te kōti.

I ngā wā ka hāngai te rerenga 'whai mahi', me takoto ki te puka tono ngā whakaharanga katoa, ahakoa ka taka koe ki raro i ngā whakahaere o te 'ūkui whakaharanga' i taua wā.  I ēnei wā, me whākina ngā whakaharanga katoa a te tangata ki runga i te puka tono; ki te whākina āu whakaharanga e te Tāhū o te Ture e ngā Pirihimana o Aotearoa rānei, ka whākina āu whakaharanga katoa.

Ki te hiahia mōhio koe mēnā ka noho tētahi tūranga mahi ki waho i te hanganga ture nei, me pātai koe ki tētahi rōia.

Ka taea e au te huna i aku whakaharanga i ahau ka whakakī puka mō te haere ki tāwāhi, mō te whakakī kōkota rānei?

Kāo. Kāore e hāngai tāu ūkui whakaharanga ki tētahi atu whenua, ki ngā ture rānei o tētahi atu whenua (pēnei i te tono kōkota, te whakahaere i āu take e pā ana ki te Ratonga Manene me te Tari Taupare, arā atu). Kei tērā whenua e pā ana, kei a rātou kē te tikanga mō te aro, te kore aro rānei ki tāu whakaharanga.

Ka pēhea ki te hiahia tonu ahau i tētahi tārua o aku whakaharanga katoa?

Kei te Ture Matatapu (Privacy Act 1993) e kī ana, ka āhei koe te tono i ngā kōrero katoa mōu kei te Tāhū o te Ture.  Ka taea tēnei mā te tuhi ki te Tāhū o te Ture.

He kaiwhakawhiwhi mahi ahau.  He aha ngā pānga o tēnei ture ki ngā pātai ka taea e au te whiu i tētahi puka whakakī, i tētahi patapatai kaimahi hōu rānei?

Ka pā te ture ki te whiwhi mahi me ētahi atu wā ka pātaihia te tangata he aha ana whakaharanga (hei tauira, te tono whare, te inihua, te whakakī puka pēke).

Mā tēnei tikanga ka āhei te tangata ka taka ki raro i ngā paearu, ki te whakautu pātai mō ana whakaharanga me te kī, kāore āna whakaharanga.

Ka hara te tangata kāore i a ia te mana kia tono kia whākina e tētahi atu tana rekoata whakaharanga, mēnā kei tēnā tangata te mana kia kaua e whāki.  Ko te whiu nui rawa atu mō tēnei, ko te whaina kāore e eke atu i te $10,000.

Kei hea te roanga atu o ngā kōrero mō tēnei take?

Ka taea te hoko tārua o te Ture Ūkui Whakaharanga 2004 mai i ngā Toa Kāwanatanga a Bennetts, ka taea rānei te tango i www.legislation govt nz.

Ka taea rānei te tono āwhina mai i tō rōia, i te Community Law Centre ki tōu rohe.