Fakatufono Tohi Ma E Tau
Fakamauaga Kolokolovao 2004
(Lapatohi Meā) - Criminal Records (Clean
Slate) Act 2004

English		English PDF (121KB)	See Also:
Maori		Maori PDF (181KB)	Obtaining a Copy of your Criminal Record,
Cook Island Maori		Cook Island Maori PDF (174KB)
Samoan		Samoan PDF (176KB)
Tongan		Tongan PDF (194KB)
Niuean		Niuean PDF (178KB)

You will need Acrobat Reader to view PDF files. It can be be downloaded for free from the Adobe Website. Adobe also have an online conversion service, to convert PDF documents to HTML for viewing as a web page

Koe heigoa e aoga maaku?

Ko e heigoa e matafakatufono nai?

To maeke he fakatufono "lapatohi meā" ke tuku ki tua e tau mena haau ne taute fakamua ka e foaki atu ki a koe e tūtonuhia ke he falu a magaaho ke ua talahau ha mena ke he haau a tau fakahala. Ke maeke ke taute pihia kua lata a koe ke fakahagahaga mitaki e falu a fakavēaga ma e haau a moui nofo fakahala.  Ka e pete ia ko e tau fifiliaga he tau fakafiliaga he tau fuata tau tauhele mo e tau fakahala he tau motu kehe nakai ko e tau agahala ki lalo hifo he matagahua lapatohi mea ti nākai lauia he magaaho ka fifili ai ko e lata nakai a koe ke moua e "lapatohi meā".

To fakagahua e fakatufono tohi Fakamauaga Kolokolovao 2004 mai he aho 29 Novema 2004.

Ko e heigoa e tau fakavēaga ke muitua au ki ai?

Kua lata i a koe ke fakahagahaga mitaki oti e tau fakavēaga he Fakatufono Tohi (ha na e fakamaopoopoaga i lalo) to maeke ke fufū mo e nakai talahau haau a tau fakahala Kua lata ke kitekite ke he Fakatufono Tohi ke moua e tau talahauaga maopoopo.

Kua lata i a koe ke:

• Nākai fai fakahala he 7 tau ki tua;

• Ke nākai la fakahala ke he fakahala toka leveki Tuga ke he fale puipui kaina fakaako mahani fale puipui ma e tau fānau (borstal);

• Nākai fai poakiaga mai he Fakafiliaga hagaao ke he agahala kolokolovao ke uta ke he fale gagao ha kua nakai katoatoa e manamanatuaga ka e nakai fakahala;

• Nākai lā fakahala ke he "agahala fakamahao" (tuga e tau agahala fakapilo e tau fānau tau fuata po ko lautolu kua moua he tau gagao ulu);

• Ke totogi katoatoa e ha tupe totogi kua poaki ki ai e Fakafiliaga ke lata ma e ha agahala kolokolovao;

• Nākai lā taofi ia mai he fakafiliaga ke nakai fakaholo ki lalo hifo he matakupu 65 he Fakatufono Pūhalatū 1998 po ke ha fakavēaga tatai kua taute fakamua.

Iloa fēfē e au kua fakahagahaga mitaki e au e tau fakavēaga?

Moua mai he Fakatufono Tohi e taha tauteaga pauaki - ti ko e mena ia kua nakai lata ke taute tohi ole ke moua e "lapatohi mēa".

Magaaho ka fakagahua ai ti maeke a koe ke ole ke moua taha lagaki he haau a fakamauaga kolokolovao mai he Tagata Gahua Puipui Tala (Privacy Assistant) he Faahi Fakafili (Ministry of Justice) ke kitia ko e hokotia nakai haau a tau fakavēaga Kaeke kua tonuhia a koe ke he matagahua to nākai fakakite haau a tau agahala. Kaeke kua toka agaia e tau fakahala haau he Tohi Fakamau Kolokolovao kua nākai tonuhia a koe ke he tau fakavēaga.

Maeke a koe ke moua tala ke he mouaaga he lagaki fakamauaga kolokolovao mo e laupepa tohi ole mai he:

(a) Website he Faahi Fakafili www justice govt nz

(e) fakafiliaga he matakavi haau

(i) ke tohi ke he:

Privacy Assistant
Ministry of Justice
National Office
PO Box 2750
Wellington

Ua e magaaho ha lautolu ka nakai hokotia e tau fakavēaga ke taute tohi ole ke he Fakafiliaga ke tiaki e fakahala ka nakai fakahigoa kolokolovao e fakahala ma e agahala mo e kua fakaaoga e fakahala nākai leveki ma e "agahala fakamahao". Kua lata a koe ke moua taha lagomatai fakaloea ko e maeke nakai a koe ke taute tohi ole ke he tau magaaho pehē nai.

Ai kua ka agahala foki au he magaaho ka moua ai e au e "lapatohi meā"?

Mena fakavē e "lapatohi meā" ke he hagahaga mitaki he tau fakavēaga kua fakamaama nā i luga: kaeke ke holia e koe e tau fakavēaga he magaaho fakamui to uta kehe e tonuhia ia haau ke he "lapatohi meā" ato liu e tau fakavēaga ke hagahaga mitaki.

Fai magaaho foki nakai ka nākai fakakite haaku a tau fakahala?

Ko e falu magaaho to tūmau nī ke nākai fakakite haau a tau fakahala (kikite ke he Matakupu 19).

Putoia e tau fakataitaiaga nai:

• ka tohi gahua a koe ke he falu a pū gahua (tuga ko e taha he kau leoleo kau leveki pagotā ha pū gahua leveki ko e Iki Fakafili Tokoluga po ke Iki Fakafili he Mafola - JP) po ke ha gahua ke leveki mo e puipui e tau fanau (tuga e matua leveki - foster parent);

• ha kumikumiaga po ke fakahala he falu a agahala foki; mo e

• tau fakafiliaga kolokolovao mo e tau fakafiliaga ke totogi e tau tupe.

Kaeke kua lauia ke he tauteaga "gahua" kua lata ke fakamahino fakamitaki he tohi ole ke ua fakakite e tau fakahala pete he nākai tonuhia a koe ke he "lapatohi meā" he magaaho ia Ko e tau magaaho pehē nai ke nākai fakakite e ha fakahala he tohi ole ti kaeke kua nākai fakakite he Faahi Fakafili po ke Faahi Leoleo ha Niu Silani haau a fakamauaga kolokolovao to nakai fakakite foki e fakamauaga kolokolovao katoatoa haau.

Kua lata a koe ke kumi lagomatai fakaloea kaeke kua fai talahauaga a koe ke he ha tūaga gahua kua nakai fai tonu ki ai e matafakatufono.

Maeke nakai au ke nākai fakakite haaku a tau fakahala ka fakapuke e au e tau pepa fakaatā ka fano fenoga ke he tau motu kehe?

Nākai. Nākai fakaaoga e lapatohi meā ka matutaki a koe mo e taha motu kehe po ke ha fekau ke he tau matafakatufono he tau motu kehe (tuga ke moua aki e tau pepa fakaatā ō fenoga, tau gahua mo e tau aga fekau he tau motu kehe).  Ko e mamafa kua tuku atu ke he fakahala kua toka nī ke he kautū kua lauia ai.

Ai kua ka manako agaia au ke he taha lagaki he tau fakahala haaku ka e nakai fufū?

Ki lalo hifo he Fakatufono Tohi Puipui Tala 1993 maeke agaia nī a koe ke ole ke he Faahi Fakafili ke moua e taha lagaki ke he tau talahauaga oti hagaao ki a koe kua toka e lautolu Ko e tohi ke tohi e koe ke he Faahi Fakafili.

Ko au ko e tagata gahua. Gahuahua fēfē e matafakatufono nai ko e tau hūhū fēfē ke hūhū e au ke he tagata tohi ole i loto he laupepa fakapuke po ke ke he fakatūtlaaga?

Fakagahua e matafakatufono ke he ha gahua po ke ha tauteaga foki kua kumi atu ke he fakamauaga kolokolovao he tagata (tuga ke he totogi he fale inisua mo e tau laupepa tohi ole he fale tupe).

Maeke ke fakaatā e taha tagata ne kua moua e tonuhiaaga ke tali e hūhū hagaao ke he haana a tau fakahala po ke fakamauaga kolokolovao ke fakamooli ko e nakai fai fakamauaga kolokolovao a ia.

Ko e agahala e ha tagata kua taute mo e nākai fai malolō fakamatafakatufono ke moua po ke ole ke fufū he taha tagata e ha lautolu a fakamauaga kolokolovao ka e kua lata i a ia fakamatafakatufono ke taute pihia.  Ko e fakakaupāaga he fakahala ma e agahala nai ko e tau tupe $10,000.

Moua fēfē e au falu a talahauaga?

Maeke e lagaki he Fakatufono Tohi Fakamauaga Kolokolovao 2004 ke fakatau mai he Fale Fakafua Tohi Bennetts Government Bookshop po ke moua noa mai he www legislation govt nz.

Maeke foki a koe ke kumi lagomatai fakaloea mai he haau a loea po ke Faahi Gahua Matafakatufono (Community Law Centre) he matakavi ne nofo ai a koe.