Ko te ture hou tenei ka mana a te 1 o Pepuere 2002 mo te take wawahi i nga taonga katoa a te hunga marena kei te wehe ina mate atu tetahi o raua ranei.
Kei roto nga take hou nei i te ture Taonga (Hoahoa) 1976 e pa ana ki nga mea marena me nga mea noho tahi.
He aha te hua o te wehe?
He rite katoa te ture wehewehe taonga mo te hunga marena kei te whakamutu i to raua moeranga. (ahakoa tane ki te tane, wahine ki te wahine ranei). Ko te ture tahito hoki he mea anake mo te tane moe ki te wahine. I raro i taua ture tahito he orite te wehewehe i a raua taonga.
Te whakamarama mo te noho noaiho?
He noho noaiho korua, mena kei te noho tahi korua ko to hoa ano he hunga marena, kei runga atu ano o korua tau i te tekau ma waru.
Ka whai wahi te ture wehe taonga hou nei ki a korua mena i te noho tahi korua mo nga tau e toru a, ka wehe korua a muri o te 1 o Pepuera 2002.
Mehemea kei raro ke o te toru tau te roa o ta korua noho tahi, e kore tenei ture e whai wahi ki a korua.
Ka pehea mena i mate tetahi o maua?
Ahakoa ka whai wahi tenei ture ki te tokorua kei te wehe, ka whai tikanga ano tenei ture ki era kua marena me nga mea kei te noho tahi, ina mate tetahi o raua. Mena ka hemo to hoa, kei a koe tonu te mana mau i nga taonga i whakaingoatia i roto i te wira, ki te mau ranei tahau wahi i raro i te Ture mo nga Taonga.
Ka whai wahi tenei ture ki nga wira kei te mana. Engari ka taea tonutia e korua ko to hoa te whakarite i tetahi ture motuhake mo a korua taonga.
Ka pehea hoki mena kua rereke te putea moni, taonga ranei, ina wehe maua?
Kua tu mai tetahi ture mana kia utua he tahua moni mai i tetahi ki tetahi. Hei whakaora ke tenei i te rereketanga o nga rawa a tetahi kia tu orite ai raua i te wehenga.
Ara hoki, mena i mutu te mahi a tetahi ki te tiaki tamariki, ko tera kei te mau tonu i tana mahi, kei te whakapiki ake hoki i tona mana.
Ka ahei ranei raua ki te hanga kaupapa rereke?
Mena koianei to korua hiahia, ka whakaae tonu tenei ture kia riro ma korua e hanga tikanga hei wehe i nga taonga i te wa o te wehe o te mate ranei. Ko te mahi kanataraki whakawatea tenei. Ka ahei koe ki te hanga kaupapa penei i mua ranei, mo te wa tonu ranei kei te marena kei te noho tahi ranei korua.
Mena kei te noho tahi koe i te 1 o Akuhata i te tau 2001, ka ahei korua ki te hanga kanataraki whakawatea i mua o te huringa o te ture hou a te ra tuatahi o Pepuere 2002.
Mena kei te noho marena koe a, kei te hiahia korua ki te hanga kanataraki whakawatea atu i nga ture hou nei ina hemo tetahi o korua, ka ahei tonu korua ki te tuhi kaupapa mo tenei take a te ra tuatahi o Akuhata 2001.
Me ata tuhituhi tonu enei whakaritenga a, me haina tahi korua ko to hoa wahine, hoa noho ranei. Me wehe tonu nga roia ma korua.
Mehemea kei te noho tahi korua a, kua oti ke te tuhi kawenata ma korua i mua o te 1 o Akuhata 2001, mena kei te mana tonu taua kawenata, e kore te ture hou nei e whai wahi atu. He penei ano te whai atu ki nga tikanga kua hangaia i waenganui i te hunga marena mo a raua taonga ina hemo tetahi o raua.
Kei hea te katoa nga Korero mo tenei take?
Kei te tauranga pungawerewere a te tari ture etahi atu korero mo tenei take. Anei te kawai whawha atu, www.justice.govt.nz. Mehemea kei te hiahia koe ki te mohio ki te wahanga o te ture nei ki a koe, me tiki tetahi roia hei whakamarama, tirohia ranei nga awhina a te ropu ture takiwa.
He whakarapopoto noaiho nga korero o tenei panui mo te Ture Taonga (Whakawhanaunga) 1976. Mena kei te hiahia tonu koe ki etahi atu whakamarama mo tenei ture, me haere atu ki tetahi roia ranei, ki te ropu ture takiwa ranei.